Në kuadër të MBPEU-së është duke u zhvilluar implementimi i projektit “Prezantimi dhe zbatimi i masave për rregullimin e përbashkët të tregjeve”, i financuar nga IPA i Bashkimit Evropian 2015, me një buxhet prej rreth 900,000 euro dhe që do të zgjasë 26 muaj.
Rregullimi i tregjeve bujqësore do të kontribuojë në përmirësimin e konkurrencës, promovimit, cilësisë dhe eksportit të produkteve bujqësore të Maqedonisë së Veriut në tregjet evropiane dhe botërore. Si ministër i bujqësisë, pylltarisë dhe ekonomisë së ujërave, po punoj për përmbushjen e të gjitha parakushteve, në fushat për të cilat jam përgjegjës, për një fillim të suksesshëm të negociatave me BE.
Sot mora pjesë në nënshkrimin e Memorandumit për bashkëpunim midis dy vendeve fqinje, Republikës së Maqedonisë së Veriut dhe Republikës së Bullgarisë, të cilat do të veprojnë në partneritet të plotë gjatë aktiviteteve të ardhshme.
