Kandidati i PDK-së për kryeministër, Bedri Hamza sonte në një tubim elektoral në Lipjan, është shprehur se Partia Demokratike e Kosovës edhe një javë do të shpallet fituese e zgjedhjeve në Kosovë.
Ai duke kërkuar votën e qytetarëve të Lipjani, u shpreh se fitorja e PDK-së e gëzon atë, por edhe Hashim Thaçin, Kadri Veselin e Jakup Krasniqin.
“Kjo frymë e fitores është e pandalshme, Partia Demokratike edhe një javë do të shpallet fituese e zgjedhjeve në Kosovë”.
“Kjo fitore më gëzon mua, i gëzon liderët tanë, presidentin Hashim Thaçi, kryetarin Kadri Veseli, kryetarin Jakup Krasniqi, prandaj më 9 shkurt, në mënyrë festive, në mënyrë masive, në mënyrë solemne me dalë me vulosë fitoren e Partisë Demokratike të Kosovës”, u shpreh tutje Hamza.
