Në Gjykatën Speciale, në Hagë, sot pritet të fillojë dëshminë e tij dëshmitari i fundit i thirrur nga Prokuroria në gjykimin lidhur me pretendimet për krime lufte kundër Salih Mustafës, epror i UÇK-së gjatë luftës. Në vazhdim të gjykimit këtë javë pritet të mbahen edhe dy seanca të tjera, të mërkurën dhe të enjten. Ndërkaq, javën e kaluar e ka përfunduar dëshminë e tij Sejdi Veseli, epror i Ushtrisë Çlirimtare të Kosovës. Aktakuza kundër Salih Mustafës është konfirmuar më 12 qershor të vitit 2020.
