Zëvendëskryeministri Artan Grubi përmes një postimi në faqen e tij në FB ka uruar komunitetin turk me rastin e 98 vjetorit të themelimit të Republikës së Turqisë, shkruan TOP24.
“Bashkëjetesa dhe bashkëpunimi ynë ka bërë që bashkë të ndërtojmë një vend me vlera demokratike në rrugën e përparimit dhe zhvillimit. Duke respektuar vlerat e identitetit kombëtar të njëri tjetrit do të vazhdojmë të bëjmë realitet shumë të arritura të reja të jetës cilësore të popujve tonë.
Raportet e mira dhe miqësia ynë me Republikën e Turqisë janë përkrahja më e mirë reciproke e zhvillimit ekonomik dhe social të vendeve tona që do vazhdojë të kultivohet me vendosmëri edhe në të ardhmen.” ka shkruar Artan Grubi përcjellë TOP24.
