Ukraina godet një tjetër simbol të marinës ruse. Bëhet fjalë për anijen e inteligjencës “Ivan Khurs”. Ministria e Mbrojtjes në Ukrainë shpërndau pamje filmike të siguruara nga dronët kamikazë detarë teksa godasin anijen.
Për momentin dëmtimi i mjetit lundrues rus nuk dihet, por ajo nuk është fundosur. Sipas videos të publikuar duket qarte ku droni kamikaz i afrohet anijes e cila tenton ta shkatërrojë, por që në fund arrin ta godasë mjetin lundrues.
Kjo nuk është hera e parë që Ukraina përdor këto lloj armësh ndaj marinës ruse. Të paktën një sulm ka ndodhur në portin e Sevastopolit ndaj disa anijeve të ankoruara.
