Në Kosovë po mbahet mbledhja qeveritare mes Qeverisë së Republikës së Kosovës dhe asaj të Maqedonisë së Veriut.
Tashmë veçse ka nisur takimi bilateral mes Kryeministrit të Kosovës, Albin Kurti dhe Kryeministrit të Maqedonisë së Veriut, Hristijan Mickoski.
Para këtij takimi, me një ceremoni shtetërore, i pari i Qeverisë priti homologun e tij, Mickoski.
Agjenda e këtij takimi përfshin nënshkrimin e disa marrëveshjeve bilaterale, që do të përforcojnë angazhimet e përbashkëta në fusha të ndryshme si tregtia, infrastruktura, arsimi dhe siguria rajonale.
