Ne emisionin Klan Debat në Televizionin Klan Macedonia u diskutua zgjedhje e Donald Trump si president I 47-të I SHBA-ve.
Analisti Ismet Ramadani tha se me Trump nis një epokë e re e artë, ashtu siç tha dhe vetë presidenti.
Trump në këtë mandat ka afër vetës njerëzit e epokës së re si Elon Musk, ai prej sot na përgatiti për një epokë të artë! Ishte më i ekuilibruar në fjalim, më bindës si president”, tha Ramadani.
Për analistin Imer Selmani, Trump është i paparashikueshëm.
“Trump është i paparashikueshëm! Edhe vetë amerikanët ishin të befasuar nga disa vendime që ai mori në mandatin e kaluar. Disa mendojnë që Trump ka aftësi që për shkurt kohë të ndalojë luftërat në botë, me kompromisë ose detyrime të ndalojë luftën Rusi-Ukrainë ose edhe të zgjidh konfliktin në Izrael-Palestinë sepse të dyja luftërat shqetësojnë botën. Biden kishte kohë dhe nuk veproi diçka në një vit e gjysëm, ndaj tash shohim se çka do të ndodhë tutje me Trump”, tha Selmani.
Analistin Ibrahim Mehmeti tha se prioritet i Trumpit duket se është ekonomia e vendit.
“Amerika pak nervoze më duket, fokusi I tij është në zhvillimin e brendshëm të Amerikës dhe e ka më të drejtë sepse pa mos qenë I fortë brenda, nuk mund të jesh jashtë. Bëri premtime të mëdha për luftën në Lindje të Mesme mirëpo deklaratat i kishte korrekte. Nuk mu duk konkret me deklaratat për politikën e jashte”, tha Mehmeti.
