Boksieri shqiptar Drilon Rama do të rikthehet sonte në ring, ku do të përballet me boksierin çek Jan Marsalek në një ndeshje profesioniste të peshës së mesme. Dueli zhvillohet në Porsche-Arena në Stuttgart të Gjermanisë, si pjesë e eventit “Sturm vs. Stein”.
Rama hyn në këtë sfidë i pamposhtur në karrierën e tij profesioniste dhe synon të vazhdojë serinë e fitoreve me një paraqitje bindëse. Përballë tij do të jetë Marsalek, një kundërshtar me përvojë, i cili kërkon të befasojë favoritin e mbrëmjes.
Tifozët shqiptarë pritet ta ndjekin me interes këtë përballje, duke shpresuar që Drilon Rama të shënojë një tjetër fitore të rëndësishme dhe të vazhdojë ngritjen e tij në boksin profesionist
