LajmeRajon

Drecun: Lajçaku po përpiqet të bjerë dakord për vazhdimin e dialogut

I dërguari i BE-së për dialogun Kosovë – Serbi, Mirosllav Lajçak, do të jetë në Prishtinë nga sot deri më 3 mars, ku më pas do të vazhdojë vizitën në Beograd, më 3 dhe 4 mars.

Kryetari i Komisionit Parlamentar për Kosovën në Kuvendin e Serbisë, Millovan Drecun, thotë se gjatë kësaj vizite ai do t’ia përcjellë Beogradit pikëpamjet e Brukselit dhe anasjelltas, raporton “TV Pink”.

“Unë mendoj se Lajçaku po përpiqet të bjerë dakord mbi vazhdimin e dialogut sa më shpejt të jetë e mundur”.

“Ai nuk e përfundoi detyrën që i ishte caktuar, ai mund të ketë pritur të shkojë në Kombet e Bashkuara për ndonjë pozitë të lartë, por meqenëse nuk e përfundoi detyrën, atëherë ai ndoshta do të vazhdojë”, theksoi ai.

Sipas Drecunit, Lajçaku me siguri do të vijë për t’i përcjellë pritjet e Brukselit në Prishtinë dhe gjithashtu për t’i dëgjuar pikëpamjet e atyre që duhet të formojnë shumicën politike në Kosovë.

“Ai do të shohë kur bisedimet mund të vazhdojnë, disa detaje me siguri do të diskutohen. Pastaj ai do të vijë në Beograd për t’i përcjellë pritjet e Brukselit dhe për të dëgjuar pikëpamjet e Beogradit”, tha Drecuni.

“Unë besoj se një pozicion i fortë do t’i përcillet atij në Beograd që nëse sjellja e njëanshme e Prishtinës vazhdon në këtë mënyrë, nuk do të ketë përparim në dialog”, shtoi Drecuni.

Artikuj të ngjashëm

Back to top button
Close
Close