Komisioni shtetëror zgjedhor do të bëhet me anëtarë të rinj.
“Po, mund të konfirmoj se me vendimin e Komitetit të fundit ekzekutiv të VMRO-DPMNE-së, profesori Aleksandar Dashtevski e mori përkrahjen që të propozohet për kryetar të ri të KSHZ-së”, tha Naum Stoillkovski – zëdhënës i VMRO-DPMNE-së.
Kjo pason pasi skadoi mandati i përbërjes së mëparshme, pas çka Kuvendi filloi procedurë për zgjedhje të anëtarëve të rinj.
Mandati i përbërjes aktuale të KSHZ-së skadon këtë muaj, ndërsa pasues i kryetarit të deritanishëm, Oliver Derkovski, sipas të gjitha gjasave do të jetë profesori Aleksandar Dashtevski.
Nga LSDM-ja thonë se shpallja mbaroi sot dhe nuk duhet të spekulohet.
Zgjedhja e anëtarëve të KSHZ-së bëhet në pajtueshmëri me Kodin Zgjedhor. Kryetarin e propozon partia opozitare e cila ka marrë më shumë vota në zgjedhjet e fundit parlamentare, e cila gjithashtu ka edhe një anëtar në Komision.Partitë në pushtet, propozojnë nënkryetarin (i cili do të ishte në radhët e BDI-së) dhe tre anëtarë të tjerë (LSDM).Nëse zgjidhet Dashtevski, kjo nuk do të jetë përvoja e tij e parë në KSHZ. Ai u zgjodh anëtar i Komisionit edhe para zgjedhjeve parlamentare në vitin 2006, por aso kohe vinte si kuadro e VMRO-PP.
VMRO-DPMNE-ja në përbërjen aktuale të KSHZ-së, e cila është në largim, gjithashtu kishte kryetar – Oliver Derkovskin, kurse anëtarja e Komisionit nga partia më e madhe opozitare është Elizabeta Postollovska.