Ministrja e Arsimit dhe Shkencës, Mila Carovska gjatë vizitës së saj në Komunën e Prilepit tha “vazhdojmë me investimet në arsim edhe në kohë pandemie, për shkak se krijimi i kushteve për ndjekjen e mësimit është obligimi ynë”.
Nga MSHIA njoftojnë se Carovska bashkërisht me kreun e Komunës së Prilepit, Ilija Jovanoski vizituan shkollën ‘Mirçe Acev’ ku përfundoi sanimi i kulmit të shkollës nga ku u investuan mbi 14 milionë denarë që u siguruan nga ministria
“Nxënësit tanë pas përfundimit të pandemisë, sërish do të kthehen në bankat shkollore, dhe aty do të ketë kushte për ndjekjen e mësimit sipas standardeve”, tha Carovska.
Ajo shtoi se MSHIA edhe në të ardhmen do të vazhdojë me sigurimin e kushteve të shkollave përmes përmirësimit të infrastruturës shkollore si dhe për sigurimin e librave cilësore.
