Ditët e kaluara, punonjësit e SoFi Stadium në Kaliforni kishin kërcënuar me grevë në ndeshjen e parë të kombëtares amerikane në Botërorin e futbollit, por në fund ata vendosën të vijonin punën.
Në orët e fundit ata kanë arritur marrëveshjen paraprake për kontratën që parashikon pagë më të lartë dhe më shumë mbrojtje në punë.
Sindikata që përfaqëson 2000 punonjës, baristë, kamarierë, kuzhinierë dhe punonjës të kuzhinës në stadiumin e Ingelwood e bëri të ditur akordin gjatë një konference për shtyp duke theksuar se punonjësit do të votojnë për ratifikimin e kësaj marrëveshjeje.
Akordi u arrit pas votimit të javës së kaluar të punonjësve në favor rë një greve për shkak të tratativave kontraktuale me Legends Global, kompania përgjegjëse për shërbimin restorant në stadium. Në një komunikate Legends Global shfaqi kënaqësine për arritjen e kësaj marrëveshjeje me punonjësit dhe deklaroi së dëshiron të ofrojë një eksperiencë të shkëlqyer gjatë ndeshjeve të Botërorit në Inglewood. Në SoFi Stadium janë programuar të luhen 8 ndeshje, duke nisur nga ajo e së premtes mes SHBA dha Paraguajit. Impianti, i përuruar në 2020 ka një kapacitet prej 70 mijë vendesh dhe në të luajnë skuadrat e NFL, Los Angeles Rams dhe Los Angeles Chargers.
