Ligji për legalizimin e ndërtesave ilegale do të miratohet pas zgjedhjeve lokale, njoftoi sot Ministri i Transportit dhe Lidhjeve Blagoj Boçvarski, i cili së bashku me drejtorin e Ndërmarrjes Publike për Rrugët Shtetërore, Ejup Rustemi e inspektoi ndërtimin e pjesës së dytë të rrugës rajonale Shtip-Radovish. Boçvarski theksoi se gjatë ditës së djeshme Ligji për Legalizimin e ndërtesave ilegale iu dërgua Qeverisë.
“Unë pres që në seancën e ardhshme të qeverisë, të vihet në rendin e ditës dhe të diskutohet nga Qeveria në mënyrë që të vendosë nëse ai ligj do të shkojë menjëherë në Kuvend. Unë nuk pres që ai të miratohet deri në këto zgjedhje, sepse Kuvendi do të shkojë në pauzë, e cila është e garantuar për shkak të zgjedhjeve lokale”, thotë Boçvarski.
Ministri i Transportit dhe Lidhjeve theksoi se të gjitha kërkesat dhe vërejtjet e ekspertëve përfshihen në Ligjin e ri.
“Mund të them që 11 pika që u pranuan pas debatit shtesë dhe pas diskutimit të sistemit ENER, kishim kërkesa shtesë dhe prej atje një përqindje e mirë u përfshinë në këtë zgjidhje ligjore”, thotë Boçvarski.
Ai nuk dha detaje për vërejtjet e përfshira në ligjin e ri, sepse siç thotë Qeveria nuk e ka miratuar ende, ndërsa pas miratimit do t’i përcillet Kuvendit, ku pret mbështetje të gjerë nga të gjitha palët, sepse me të zgjidhen problemet e qytetarëve.
I pyetur nëse funksionon plani për shkëmbimin e inspektorëve të ndërtimit dhe si Ministri planifikon të ketë kontroll në vend se sa objekte janë ndërtuar në mënyrë të paligjshme, Boçvarski u përgjigj se kompetencat dhe kontrolli janë në kompetencat e komunave.
Ministri vuri në dukje se inspektorët e ndërtimit duhet të dalin dhe të punojnë në terren, ndërsa komunat duhet të bashkëpunojnë me njëra -tjetrën kur bëhet fjalë për mungesën, gjegjësisht mungesën e inspektorëve të ndërtimit në komunat më të vogla.
