Vijon procesi i shkrirjes së koalicionit VLEN në subjekt politik, shkruan TV21. Kryetari i Lëvizjes Besa, Bilall Kasami tha se këtë javë subjektet brenda VLEN-it duhet të emërojnë anëtarët në Kryesinë e përbashkët, që do të numërojë 23 anëtarë.
“Nuk është diskutuar ajo, është më pak me rëndësi përsëri se kush do të jetë kryetar, me rëndësi është harmonia që funksionon brenda anëtarëve të VLEN-it, kushdo që do të jetë kryetar, unë besoj se do të jetë më i miri për VLEN-in dhe për shqiptarët në Maqedoninë e Veriut”, pohoi Kasami.
