Fushata zgjedhore në SHBA po bëhet shumë e ashpër, pak ditë përpara votimeve të 3 nëntorit.
Presidenti Donald Trump shpërndau një video të rivalit të tij, Joe Biden, ku ai duket se harron emrin e Trump. Në video shihet se si Biden thotë George, në vend që të thotë Donald. Sipas përkrahësve të Trump, Joe Biden e ka ngatërruar Trump me George Bush.
Për demokratët, kjo nuk është një gafë, pasi gazetari që po e intervistonte Biden quhet George Lopez dhe ai po i drejtohej atij. Sërish republikanët insistojnë se ai e ka harruar emrin, pasi kur thotë George, e shoqja e Biden, Jill, e kupton që është një gafë.
Kujtojmë se Trump e ka akuzuar rivalin se vuan nga demencia, pasi harron gjërat. Të dy rivalët janë në moshë të madhe, Trump është 74 dhe Biden është 77 vjeç.