Edhe pse e zakonshme, është ende shumë e rrezikshme – vetëm në vitin 2023 ishte shkaku kryesor ose i lidhur me më shumë se 600,000 vdekjeve. Ekspertët theksojnë se dieta, aktiviteti fizik dhe ilaçet luajnë një rol kyç në kontrollin e saj, dhe ajo që hamë, duke përfshirë edhe ushqimet e lehta, mund të ndikojë ndjeshëm në presionin e gjakut.
Kardiologu Dr. Tariq Shah Syed shpjegon se ekzistojnë zëvendësues të thjeshtë dhe të shëndetshëm për ushqimet e kripura që konsumojmë shpesh, të cilat mund të kenë një efekt pozitiv në tensionin e gjakut. Në vend të patateve të skuqura, pretzelave ose kokoshkave të kripura, ai rekomandon fistikë të pakripur sepse ato përmbajnë lëndë ushqyese që ndihmojnë në rregullimin e tensionit të gjakut dhe mbrojnë zemrën.
“Fistikët janë të pasur me kalium, antioksidantë dhe sterole bimore, të cilat ndihmojnë në uljen e kolesterolit LDL dhe mbështesin presionin e shëndetshëm të gjakut”, thotë Dr. Syed. Ai shton se fistikët përmbajnë gjithashtu fibra, të cilat lidhin kolesterolin në sistemin tretës, duke mbrojtur më tej shëndetin e zemrës, ndërsa yndyrnat e shëndetshme në to rrisin HDL-në, ose kolesterolin “e mirë”.
Për të arritur efektet, Dr. Said rekomandon afërsisht 30 deri në 55 gramë në ditë. Sipas hulumtimeve, konsumi i rregullt i fistikëve mund të sjellë përmirësime të matshme në tensionin e gjakut pas vetëm katër javësh. Ai këshillon zgjedhjen e fistikëve të pakripur ose pak të kripur, dhe idealisht kombinimin e tyre me fruta të pasura me fibra dhe antioksidantë.
