Një histori, që duket si përrallë ka emocionuar zemrat e shumë njerëzve. Malcolm Simon, DJ i njohur suedez, pak para se të ndërronte jetë nga Covid, i kërkoi gruas së tij të gjente birin e tij, të lindur nga një lidhje e shkurtër me një grua italiane dhe që nuk e kishte takuar kurrë.
Pas pesë vitesh kërkimesh të palodhshme, Mona e gjeti të birin e bashkëshortit.
Ai është Marco, 67 vjeç, i rritur nga nëna e tij në Itali, pa ditur kurrë për babanë. Kur pa për herë të parë fytyrën e Malcolm në një video të vjetër, Marco tha se nuk e ka parë kurrë të atin. “Nuk e kisha parë kurrë”.
Historia filloi shumë vite më parë në Londër, ku Malcolm pati një lidhje të shkurtër me një grua italiane. Foshnja e lindur, Marco, u rrit pa e njohur babanë. Pas një letre anonime dhe ndihmës së mediave, Mona arriti ta gjente dhe takimi i tyre i parë ishte i mbushur me emocione.
Sot, Marco dhe Mona kanë ndërtuar një raport, të bazuar në respekt, duke treguar se ndonjëherë fati mund të bashkojë njerëzit edhe pas shumë viteve larg njëri-tjetrit.
