Kryetari i Bashkimit Demokratik për Integrim ka uruar Albin Kurti pas fitores në zgjedhjet parlamentare. Ahmeti tha se dëshiron që Kosova të ecë përpara me hapa të sigurt, duke forcuar aleancën e saj strategjike me Shtetet e Bashkuara të Amerikës dhe me Bashkimin Evropian dhe shtoi se Kosova ka nevojë për stabilitet dhe zhvillim në shërbim të qytetarëve të vendit.
“I përgëzoj qytetarët e Republikës së Kosovës për procesin zgjedhor në të cilin dëshmuan maturi dhe pjekuri të lartë demokratike. U zhvillua një proces i lirë, i ndershëm dhe plotësisht demokratik, në përputhje me standardet evropiane, duke konfirmuar forcën e institucioneve dhe vullnetin e lirë të qytetarëve të Kosovës.
