Përfundon takimi i Ndihmës Sekretares për Byronë e Çështjeve Evropiane dhe Euroaziatike, Karen Donfried me kryeministrin Edi Rama. Takimi, i cili u zhvillua paraditen e kësaj të premteje në Kryeministri, zgjati rreth një orë.
Pas daljes nga selia e qeverisë, zyrtarja e lartë e DASH i është drejtuar Kryesisë së Kuvendit, ku është pritur nga përfaqësues të opozitës, Enkelejd Alibeaj, Jorida Tabaku dhe Gazment Bardhi.
Vizita e Donfries në Tiranë vjen në kuadër të një turi që zyrtarja po zhvillon në Ballkanin Perëndimor.
