Sekretari i përgjithshëm i Lëvizjes Besa, Adnan Azizi përmes një postimi në profilin e tij në FB ka reaagura Arbër Ademit rreth akuzava që ky i fundit bëri në adresë të opozitës shkruan TOP24.
Azizi i sugjeroi Ademit që shqetësimin e tij ta adresoj deri te drejtori i inspektoratit për përdorimin e gjuhëve të cilin e ka nga rradhët e partisë së tij.
Postimi i plotë i Adnan Azizit
“Deklarata e koordinatorit të grupit parlamentar të BDI-së, Arbër Ademi është e pa bazë, nxitëse dhe ka për qëllim të defokusojë opinionin nga aferat korruptive dhe pa aftësinë e qeverisë ku BDI bën pjesë. Lëvizja BESA nuk është në koalicion me asnjë parti politike në Qytetin e Shkupit dhe nuk mban përgjegjësi për mos respektimin e gjuhës shqipe që sot po e vëren në shumë institucione që udhëhiqen nga BDI dhe LSDM. Arbër Ademi ka ngatruar adresen, në vend ti drejtohet Lëvizjes BESA le t’i adresojë shqetsimin e tij deri te drejtori i inspektoratit për përdorimin e gjuhëve të cilin e ka nga rradhët e partisë së tij.
Tensionet ndëretnike në vend gjithmonë janë nxitur dhe krijuar nga qeveritë ku BDI-ja ka qenë pjesë dhe atë vetëm për qëllime politike. Rastet e rrahjes së nxënësve shqiptar, vendosja e kryqit në lagjen “Aerodrom”, arrestimi i nënave të pafajshme shqiptare, të gjitha mbajnë vulën e qeverisjes së BDI-së, pastaj thirrjet raciste të “komitëve”, janë bërë në kohën kur me FFM drejton njeriu më i afër i liderit të BDI-së.
Pamjet tmerruese të rastit “Monstra” kur policia speciale tërhiqte zvarrë grate shqiptare, ende janë në memorjet tona, ndërsa BDI në atë kohë mbështeti aksionin policor, duke i cilësuar si të rrezikshëm dhe “terrorist”.
Arbër Ademi para se të akuzoj të tjerët ai duhet të jep llogari për tekstet fyese shkollore nga koha e tij të cilat krijojnë ndasi etnike, duke i nënçmuar nxënësit shqiptar. Poashtu ai duhet të përgjigjet për shkatërrimin e arsimit në Maqedoni, me theks të veçantë arsimin shqip. Nuk mund të flet për politika të mëdha një njeri që me vite të tëra nuk mund të ndërtojë një shkollë në Butel, Veles apo ne Sellce te Tetovës. Pra, dështimet në arsim sjellin ndasitë dhe pa barazitë etnike dhe arsimore.
Që ta di Arbër Ademi, Lëvizja BESA ka punuar në arritjen e barazisë mes dy etniteteve më të mëdha në vend, për dallim nga BDI-ja që çdoherë ka investuar në ndarje, në urrejtje etnike, shkatërrimin dhe politizimin e arsimit në vend.
