Skuadra e Seviljës mbylli pjesën e parë në avantazh të dy golave, por pësuan 3 në 45-minutëshin e dytë, ndërsa trajneri Zhulien Lopetegi u shpreh se të tijtë nuk patën guxim për të fituar, teksa kritikoi edhe arbitrimin.
“Patëm frikë të fitojmë. Në pjesën e parë ishim ne dukshëm më mirë, ndërsa në të dytën ata. Duhej të kishim guxuar më shumë për të shënuar golin e tretë, në vend që të tërhiqeshim mbrapa. Patëm edhe një rast me Rafa Mir, për ta çuar në 3-1. Ndërkohë jam i skandalizuar që Kamavinga nuk mori karton të kuq në pjesën e parë, pasi nuk preku fare topin, por këmbët e Martial. Me dy gola avantazh dhe një lojtar më shumë, nuk do të kishte përmbysje”, tha Lopetegi.
