Kryetari i Lëvizjes Besa, Bilall Kasami, përmes një postimi në profilin e tij në FB ka shprehur ngushllime për familjen e veprimtarit të arsimit shqip në Maqedoni, Haxhi Bari Ganiu.
Kasami në shkruan se “Lajmi për vdekjen e Haxhi Bari Ganiut, na preku thellë zemrat tona, duke e ditur kontributin e tij të dhënë në sferën e arsimit. Haxhi Bariu ishte ndër burrat e rrallë vizionar, atdhedashës dhe që e donte zhvillimin e arsimit shqip në Maqedoninë e Veriut. Pikërisht, në atë kur askush nuk e mendonte, Haxhi Bariu hapi dyert e shtëpisë së tij në Tetovë për të nënshkruar aktin për themelimin e Universitetit të Tetovës.
Secila gjeneratë e cila del nga ky tempull i dijes, pa asnjë dyshim meritat kryesore i takojnë këtij burri të fuqishëm dhe qindra atdhedashës të tjerë.
Familjes Ganiu i shprehi ngushllimet më të sinqerta, të ndjehen krenar me Haxhi Bari Ganiun, sepse me veprën e tij ai la gjurmë në historinë e shqiptarëve të Maqedonisë së Veriut. Zoti e shpërbleftë për kontributin e tij.” shkruan kreu i Lëvizjes Besa, Bilall Kasami përcjellë TOP24.
