Sileksi ka mundur Akademia Pandevin me rezultatin 3:2 në ndeshjen hapëse të xhiros së 29-të në Ligën e Parë të futbollit të Maqedonisë së Veriut. Zhbllokimi i rezultatit erdhi në minutën e 16-të kur Tanturovski shënon për epërsi 1:0 të vendasve. Sileksi nuk u ndal me kaq, pasi 6 minuta më vonë Manasievski me një goditje të saktë brenda zonës ngriti eprësinë në 2:0. Në minutën e 74-ërt vendasit organizonjë një aksion të bukur, të cilin e shndërron në gol Gjorgjiev për rezultat 3:0. Deri në fund miqtë arritën që të ngushtojnë diferencën me golat e Radeskit dhe Dimoskit, mirëpo nuk arritën që të evitojnë humbjen. Ndryshe xhiroja e 29-të në elitën e futbollit vendor kompletohet të dielën me 5 takime të tjera që do të zhvillohen nga ora 13:00. Shkëndija e Tetovës pret Borecin, Shkupi përballet me Rabotniçkin, Makedonija Gjorçe Petrovi takohet me Struga Trim Lum, Vardari do t’i matë forcat me Bellasicën, ndërsa Pelisteri gostit Renovën.
