Politikani rus i opozitës Alexey Navalny u sëmur rëndë pasi piu nga një shishe uji të helmuar në dhomën e tij të hotelit në Siberi, ka pretenduar ekipi i tij, në një video të postuar në Instagram të Enjten.
Ndihmësit e kritikut të Kremlinit thanë se ata thirrën një avokat sapo Navalny u sëmur, shkuan në dhomën e hotelit në qytetin e Tomsk dhe “filluan regjistrimin, përshkrimin dhe paketimin e gjithçkaje që gjetën atje. Në veçanti shishet me ujë hoteli”.
Pasi u dërgua fillimisht në një spital në Siberi, Navalny u evakuua në Gjermani për mjekim, ku ai qëndron.
“Dy javë më vonë, ishte në shishen nga Tomsk që laboratori gjerman gjeti gjurmët e Novichok,” thanë ndihmësit. “Dhe pastaj tre laboratorë të tjerë që morën teste nga Alexey konfirmuan që Navalny u helmua nga ai [Novichok]”. transmeton CNN përcjell TOP24