Zelensky: Anëtarësimi i Ukrainës në NATO, garancia më e mirë e sigurisë për të gjithë Evropën

Presidenti ukrainas Volodymyr Zelensky ka deklaruar se anëtarësimi i Ukrainës në NATO përbën garancinë më të mirë të sigurisë, jo vetëm për vendin e tij, por edhe për të gjithë Evropën.

“Jam mirënjohës ndaj vendeve të grupit E3 dhe të gjithë partnerëve tanë që shprehen qartë se garancia më e mirë e sigurisë për Ukrainën dhe, në fakt, për të gjithë Evropën është anëtarësimi në NATO”, deklaroi Zelensky.

Deklaratën ai e bëri gjatë konferencës për shtyp në përfundim të samitit të Koalicionit të të Vullnetshmëve.

Qëndrimi i presidentit ukrainas vjen në një kohë kur liderët evropianë po diskutojnë garancitë e sigurisë për Kievin dhe të ardhmen e tij pas përfundimit të luftës me Rusinë.