72 orë pa drita dhe internet nga 17 nëntori? E vërteta pas lajmit që po përhap panik në rrjet

Një ndërprerje globale e energjisë elektrike, internetit dhe komunikimeve për 72 orë, duke nisur nga 17 nëntori 2026. Ky është paralajmërimi që po qarkullon me shpejtësi në rrjetet sociale, duke shkaktuar shqetësim te qytetarët në Itali dhe vende të tjera të botës.

Por a ekziston vërtet rreziku i një blackout-i global?

Sipas televizionit italian Sky TG24, bëhet fjalë për një lajm të rremë, që është përhapur përmes videove dhe mesazheve virale. Asnjë qeveri apo autoritet kompetent nuk ka njoftuar një ndërprerje të planifikuar të energjisë elektrike, internetit apo komunikimeve në një shkallë të tillë.

Nga lindi lajmi për blackout-in e 17 nëntorit?

Dezinformimi ka lindur nga bashkimi i disa informacioneve reale, por që nuk kanë lidhje me njëra-tjetrën.

Një prej tyre është një test i sistemit amerikan të alarmit, i njoftuar nga Komisioni Federal i Komunikimeve (FCC) në Shtetet e Bashkuara.