Genoa e drejtuar nga Daniele De Rossi nuk ka shkuar më shumë se një barazim 1-1 ndaj Frosinones, në javën e katërt të Serie A.
Pas tre ndeshjeve të para pa fitore, pritej që skuadra kuqezi të reagonte dhe të merrte suksesin e parë të sezonit, por edhe këtë herë Genoa është detyruar të kënaqet me vetëm një pikë.
Në këtë sfidë, De Rossi nuk ndryshoi qëndrim as ndaj Mario Mitajt. Mbrojtësi shqiptar e nisi përsëri ndeshjen nga stoli dhe nuk u aktivizua për asnjë minutë. Kështu, pas katër javësh kampionat, Mitaj vazhdon të jetë me zero minuta në Serie A, pavarësisht se është pjesë e skuadrës së parë të Genoas.
Mbetet e paqartë se çfarë po ndodh mes De Rossit dhe mbrojtësit shqiptar, pasi trajneri italian vijon ta mbajë jashtë formacionit, ndërsa Genoa ende nuk ka gjetur rrugën drejt fitores së parë të sezonit.
