Roberto Mancini mund të duhet të heqë dorë nga një tjetër objektiv për Kombëtaren italiane: Nicolò Tresoldi.
Situata e Tresoldit duket se është bërë edhe më e komplikuar për Italinë për shkak të lidhjes së fortë që sulmuesi ka krijuar me futbollin gjerman.
Kjo histori e gjatë me Gjermaninë duket se e bën shumë të vështirë që 22-vjeçari t’i kthejë shpinën një federate që e ka mbështetur për vite me radhë.
Një tjetër faktor i rëndësishëm është Kampionati Evropian U-21, që do të zhvillohet verën e ardhshme. Tresoldi synon të jetë pjesë e Gjermanisë në këtë kompeticion dhe të vazhdojë rrugëtimin me kombëtaren që e ka përfaqësuar prej vitesh.
Sulmuesi i Club Brugge ka fituar një rol gjithnjë e më të rëndësishëm falë paraqitjeve dhe golave të tij.
Sezonin e kaluar në Belgjikë, Tresoldi ishte pranë kuotës së 20 golave në të gjitha kompeticionet, duke shënuar edhe tre herë në Champions League.
Me fanellën e Gjermanisë, ai ka realizuar 12 gola në 24 paraqitje, duke konfirmuar potencialin e tij si një prej sulmuesve të rinj më interesantë.
Për këtë arsye, rruga drejt Italisë duket gjithnjë e më e vështirë.
Nëse Tresoldi konfirmon zgjedhjen për të vazhduar me Gjermaninë, Mancini do të duhet të rikthehet në tregun e talenteve me origjinë italiane dhe të kërkojë alternativa për repartin ofensiv të Azzurrëve.
Pas suksesit me Alessandro Romanon, trajneri italian mund të mos ketë të njëjtin fat me Tresoldin. Për momentin, gjithçka tregon se sulmuesi i Club Brugge është i orientuar drejt vazhdimit të aventurës me Gjermaninë.
