Unaza anësore e Selanikut do të jetë pjesërisht e mbyllur për trafikun sonte nga ora 23:00 deri në orën 05:00 të ditës tjetër, raportoi Greek Info .
Mbyllja e kësaj rruge ndikon drejtpërdrejt te shoferët që udhëtojnë nga drejtimi i Maqedonisë dhe pikës kufitare Evzoni drejt Halkidikisë.
Gjatë aktiviteteve të ndërtimit, trafiku në drejtim të kundërt (nga Halkidiki në Evzoni) do të vazhdojë pa pengesa dhe rruga do të mbetet e hapur. Të gjitha automjetet që lëvizin drejt Halkidikit do të ridrejtohen në mënyrë të përshtatshme nëpër rrugët e qytetit të Selanikut.
Kushdo që planifikon një udhëtim gjatë kësaj periudhe kohore këshillohet të tregojë kujdes të shtuar dhe të përshtasë itinerarin në kohën e duhur.
