Ministri i Drejtësisë, Jeton Shasivari, zhvilloi takim me ambasadorin e Republikës së Austrisë, Sh.T. Martin Pamer, ku u shqyrtuan mundësitë për avancimin e mëtejshëm të marrëdhënieve dhe partneritetit ndërmjet dy vendeve në fushën e gjyqësorit.
Bashkëpunimi me Austrinë nuk duhet të shihet vetëm si ndihmë juridike dypalëshe, por si partneritet për modernizimin e sistemit të drejtësisë, forcimin e institucioneve dhe përshpejtimin e integrimit tonë evropian.
Në periudhën e ardhshme pritet të fillojnë aktivitete konkrete në disa fusha të dakorduara me interes të përbashkët, në përputhje me Memorandumin e Bashkëpunimit i cili u nënshkrua para tre vitesh nga ministritë e drejtësisë të Republikës së Maqedonisë së Veriut dhe Republikës së Austrisë. Aktivitetet do të përfshijnë forcimin e sundimit të ligjit, reformat në të drejtën civile dhe penale, luftën kundër korrupsionit dhe krimit të organizuar, si dhe digjitalizimin e gjyqësorit.
Ministri Shasivari theksoi se, përvoja dhe ekspertiza austriake mund të jenë veçanërisht të dobishme në reformën e gjyqësorit, rritjen e efikasitetit të drejtësisë dhe ndihmën juridike ndërkombëtare, duke kontribuar në krijimin e një sistemi gjyqësor më efikas, transparent dhe modern.
Ministri Shasivari theksoi se përvoja dhe njohuritë e specializuara austriake mund të jenë veçanërisht të dobishme në reformën e gjyqësorit, rritjen e efikasitetit të drejtësisë dhe ndihmën juridike ndërkombëtare, duke kontribuar në krijimin e një sistemi gjyqësor më efikas, transparent dhe modern.
