Sot bashkë me ekipin e MEPSO, nga afër inspektuam punimet për ndërtimin e interkoneksionit 400 kV ndërmjet Maqedonisë së Veriut dhe Shqipërisë, një projekt strategjik me rëndësi të veçantë për të ardhmen energjetike të të dyja vendeve dhe vendeve të rajonit.
Me kënaqësi konstatuam se ndërtimi i nënstacionit 400 kV në Ohër ka hyrë në fazën përfundimtare.
Pas përfundimit të instalimit të pajisjeve primare dhe sekondare, tashmë kanë filluar testimet operative dhe funksionale, të cilat janë hapi i fundit para vënies në funksion të nënstacionit.
Njëkohësisht, po përparojnë edhe punimet në linjën e transmetimit 400 kV Manastir–Elbasan. Ka nisur montimi i shtyllave të para, disa prej të cilave tashmë janë ngritur, ndërsa puna vazhdon intensivisht edhe në lokacionet e tjera përgjatë trasesë.
Ky progres dëshmon përkushtimin tonë për realizimin e projektit sipas afateve të planifikuara. Me përfundimin e këtij interkoneksioni, do të krijojmë një lidhje të re strategjike energjetike ndërmjet Maqedonisë dhe Shqipërisë, do të forcojmë sigurinë e rrjetit të transmetimit, do të rrisim kapacitetet ndërkufitare dhe do të kontribuojmë në një integrim edhe më të fuqishëm të tregut rajonal të energjisë.
Vazhdojmë me përgjegjësi dhe përkushtim në ndërtimin e një sistemi energjetik modern, të besueshëm dhe të ndërlidhur Maqedoninë e Veriut me Shqipërinë.
