Dy përforcimet më të reja të Shkëndijës janë federuar me sukses dhe do të jenë në dispozicion të trajnerit Artim Pollozhani për ndeshjen e parë ndaj NK Bravos në UEFA Conference League.
Sulmuesi Marko Gjorgjievski dhe mbrojtësi Jovan Manev kanë marrë zyrtarisht të drejtën e lojës për ndeshjen e parë të raundit të dytë eliminator të UEFA Conference League ndaj NK Bravos.
Pas përfundimit me sukses të procedurave të regjistrimit nga departamenti administrativ i klubit, dy futbollistët janë shtuar në listën zyrtare të UEFA-s dhe do të jenë në dispozicion të trajnerit Artim Pollozhani për sfidën e së enjtes në Lubjanë.
Edhe pse i janë bashkuar së fundmi ekipit dhe kanë zhvilluar vetëm disa seanca stërvitore me skuadrën, Gjorgjievski dhe Manev do të jenë në kombinim për të dhënë kontributin e tyre në përballjen e parë ndaj skuadrës sllovene.
