Biznesmeni dhe filantropi suedez Roger Akelius, përmes Akelius Foundation, ka njoftuar një donacion prej 76 milionë dollarësh për të mbështetur arsimin e fëmijëve në Gaza.
Fondi do të përdoret në bashkëpunim me UNICEF për rindërtimin e shkollave, sigurimin e materialeve mësimore dhe krijimin e kushteve që mijëra fëmijë të prekur nga konflikti të rikthehen në arsim.
Donacioni është pjesë e një nisme më të gjerë humanitare për të ndihmuar fëmijët në Gaza, ku lufta ka dëmtuar rëndë sistemin arsimor dhe infrastrukturën shkollore.
