Sot, në një ditë të veçantë, Jonida Vokshi feston gjashtëvjetorin e vajzës së saj, Ema. Kjo ditëlindje sjell me vete kujtime të çmuara dhe emocione të thella për moderatoren, e cila ka ndarë një dedikim prekës për momentin kur bëri nënë për herë të parë.
Jonida ka ndarë me ndjekësit e saj përvojën e saj të lindjes, e cila nuk ishte aspak e lehtë. Ajo përjetoi 12 orë të gjata, të mbushura me frikë, lodhje dhe lot. Megjithatë, momenti kur mori në krahë Emën e bëri që çdo dhimbje të humbiste kuptimin e saj.
“Para 6 vitesh, në këtë moment, po përjetoja dhembjen më të madhe që kisha njohur ndonjëherë. Një lindje jo e lehtë. 12 orë të gjata, frikë, lodhje, lot… por pas kësaj erdhe ti!”, ka shkruar ajo, duke e përshkruar këtë moment të paharrueshëm.
Me një emocion të thellë, Jonida ka reflektuar mbi rolin e saj si nënë, duke thënë se Ema i ka mësuar se zemra mund të rrahë edhe jashtë trupit. Ajo e përshkruan këtë ndjenjë si një transformim të plotë në jetën e saj.
“Dhe nëse do më duhej ta përjetoja atë ditë edhe një mijë herë të tjera, do ta bëja pa u menduar, vetëm për të të pasur ty. Sot ti mbush 6 vjeç. E vogla ime, je bekimi më i madh i jetës sime”, ka përfunduar Jonida në urimin e saj për të bijën.
Me këtë rast të veçantë, ajo ka ndarë gjithashtu disa momente të bukura nga jeta e përbashkët me Emën, duke e bërë këtë ditë akoma më të veçantë.
