Lideri i Bashkimi Demokratik për Integrim, Ali Ahmeti, ka njoftuar se ka zhvilluar një takim me kongresistin amerikan Keith Self, ku në fokus kanë qenë zhvillimet politike në Maqedonia e Veriut, Marrëveshja e Ohrit dhe karakteri multietnik i shtetit.
“Sot pata kënaqësinë të zhvilloj një takim të rëndësishëm me Congressman Keith Self, Kryetar i Nënkomisionit për Evropën në Kongresin Amerikan”, deklaroi Ahmeti.
Sipas tij, gjatë takimit është diskutuar për “sfidat që lidhen me ruajtjen e karakterit multietnik të shtetit dhe për nevojën e respektimit të plotë të Marrëveshjes së Ohrit si garanci e paqes, stabilitetit dhe orientimit euro-atlantik të vendit”.
Ahmeti theksoi gjithashtu rolin e Shtetet e Bashkuara të Amerikës në ndërtimin e paqes dhe demokracisë në vend.
“Shpreha mirënjohjen për rolin historik të Shteteve të Bashkuara të Amerikës në ndërtimin e paqes dhe demokracisë në vendin tonë, si dhe për interesimin e vazhdueshëm amerikan për stabilitetin dhe të ardhmen euro-atlantike të rajonit”, u shpreh Ahmeti.
