Presidenti amerikan Donald Trump do t’i nënshtrohet këtë të martë kontrollit të përvitshëm mjekësor në Walter Reed National Military Medical Center, në një kohë kur vëmendja publike ndaj gjendjes së tij shëndetësore është rritur pas publikimit të disa fotografive të fundit.
Megjithatë, imazhet e publikuara së fundmi që tregonin skuqje në qafë, ënjtje në kyçet e këmbëve dhe mavijosje në dorë kanë nxitur diskutime të reja mbi gjendjen e tij fizike.
Nga ana tjetër, zëdhënësja e Shtëpisë së Bardhë, Karoline Leavitt, tha se ënjtja e këmbëve lidhet me një problem të zakonshëm venoz, ndërsa mavijosja në dorë është shkaktuar nga shtrëngimi i shumtë i duarve gjatë takimeve publike.
Trump ka konfirmuar gjithashtu se vitin e kaluar iu nënshtrua një rezonance magnetike (MRI), megjithëse Shtëpia e Bardhë nuk ka dhënë detaje të plota mbi arsyen e ekzaminimit. Ekspertët mjekësorë theksojnë se rezonanca magnetike zakonisht nuk përfshihet në kontrollet rutinë shëndetësore.
