Përgjigjen që po e priste për letrën që e nisi 3 ditë më parë, e ka marrë të hënën pasdite.
Kreu i Nismës Socialdemokrate, Fatmir Limaj, priti “aminin” nga kryesia e Partisë Demokratike që të përfshihet në listën për deputetë nga ky subjekt, në zgjedhjet e 7 qershorit.
Qëndrimi për të para takimit u tha se s`mund të jetë individual.
Por, kur erdhi fjala për votim brenda dyerve të mbyllura, Limaj mori kartonin e kuq.
Kryesia e PDK-së, parti që e themeloi vetë Limaj dikur, ia refuzoi atij përfshirjen kësaj radhe në garën për deputet.
Për këtë vendim, kryetari i PDK-së, tha se pati goxha vota, dhe se nuk pati kushtëzime nga askush sa i përket kësaj çështjeje.
Përpos kësaj teme që pati vëmëndje të vecantë, Hamza tha se u diskuan edhe çështje tjera përgatitore për procesin.
