Kryetari i komunës së Çairit, Izet Mexhiti gjatë mbrëmjes së djeshme organizoi një aksion masiv për pastrimin e rrugëve të Çairit sidhe larjen e tyre në prag të festës së madhe të Fitër Bajrami, shkruan Top24
Çairi po përgatitet për Bajramin e Fitrit.
Çdo ditë angazhohemi për mirëmbajtjen dhe pastërtinë e hapësirave publike, ndërsa sonte ky angazhim po intensifikohet edhe më shumë. Ka nisur pastrimi i plotë i rrugëve, parqeve, trotuareve dhe zonave përreth kontejnerëve, me qëllim që çdo cep i Çairit të reflektojë dinjitetin e kësaj feste.
Bajrami i Fitrit do të pritet me respekt, gëzim dhe ndjenjë solidariteti, ashtu siç e meriton një ditë që bashkon familjen, shoqërinë dhe vlerat tona më të mira.
