Kryetari i Aleancës për Shqiptarët, Arben Taravari gjatë ditës së sotme i shoqëruar nga kryetari i komunës së Vrapçishtit, Isen Shabani kanë takuar strukturat e degës së Aleancës për Shqiptarët në Saraj ku kanë diskutuar për riorganizimin e ASH-së dhe për forcimin e degës përmes përfshirjes së kuadrove të reja dhe rritjes së komunikimit me anëtarësinë, shkruan Top24
“Takimi me kryesinë e degës së Aleanca për Shqiptarët në Saraj me fokus të veçantë në zhvillimet e fundit politike dhe në procesin e riorganizimit të strukturave partiake.
Gjatë diskutimeve u analizua situata aktuale politike në vend, sfidat me të cilat përballen shqipëtarët, si dhe nevoja për një angazhim më të fuqishëm në terren.
Theks i veçantë iu kushtua forcimit të degës në Saraj, përmes ristrukturimit të nëndegëve, përfshirjes së kuadrove të reja dhe rritjes së komunikimit me anëtarësinë.” shkruan Taravari.
