Mosmarrëveshjet midis kryetarit aktual dhe ish kryetarit të Akademisë së Shkencave dhe Arteve të Maqedonisë, e kanë ashpërsuar retorikën në publik. Pas një shkrimi të ish-kryetarit Ljupço Kocarev, ku mes të tjerash kërkonte dorëheqjen e kryetarit Zhivko Popov, ASHAM ka lëshuar një deklaratë publike ku dënon dhe e quan një akt të tillë si të papërshtatshëm, të pazakontë në 58 vitet e ekzistencës së ASHAM, veçanërisht pasi vjen nga një anëtar i kryesisë. Sipas njoftimit pas mbledhjes së Kryesisë të mërkurën, u arrit në përfundimin se deklaratat publike të Kocarevit shkaktojnë dëme të mëdha dhe dëmtojnë reputacionin e Akademisë, shkruan gazeta KOHA.
“Kryesia i hedh poshtë me indinjatë akuzat e bëra në artikull si të pabazuara dhe të pavërteta dhe mbështet plotësisht punën e Akad. Zhivko Popov. Akademiku Kocarev qartësisht nuk i respekton vendimet e Kryesisë të marra me shumicë votash dhe, meqenëse nuk arrin të imponojë pikëpamjet e tij, i paraqet ato publikisht pa asnjë logjikë apo justifikim. Si anëtar i Kryesisë së MANU-së, gjithmonë ka pasur dhe ende ka mundësinë, në përputhje me procedurat statutore, të paraqesë pikëpamjet e tij në organet e Akademisë nëse merr pjesë rregullisht në to dhe t’i mbrojë ato në frymën e dialogut dhe debatit të arsyetuar, gjë që i ka hije një institucioni si MANU – institucioni më i lartë shkencor dhe artistik në vend”, thuhet në deklaratë.
“Kocarev, si anëtar i Kryesisë gjithmonë ka pasur mundësinë, në përputhje me procedurat statutore, të shprehë pikëpamjet e tij në organet e Akademisë nëse ai merrte pjesë rregullisht në to”, thuhet në njoftimin e ASHAM.
Akademiku Ljupço Kocarev, në një artikull të botuar këto ditë kërkon dorëheqjen e Popovit, pas disa vendimeve dhe akte për të cilat, siç thotë ai, Enti i Revizionit pritet të japë mendim negativ, duke e akuzuar atë se është pjesë e “shpërbërjes” së Akademisë që ndodhi në vitin 2025. Duke parafrazuar një varg biblik për kryetarët e rremë, “që vijnë me lëkurë deleje, por brenda janë ujqër grabitqarë”, Kocarev, i kërkoi Popovit të largohej “për të mirën e ASHAM”. Kocarev thotë se situata në vitin 2025 ishte “anarki, arbitraritet dhe një rrugë pa krye, për të cilën faji është vetëm i kryetarit”. Ai deklaron se ka pasur një numër të madh veprimesh të paligjshme që ai i nënshkroi në vitin 2025. (koha.mk)
