Kryetari i komunës së Tearcës Daut Memishi sot mori pjesë në një organizim në nderë të shënimit të ditës së alfabetit turk në Tearcë, shkruan Top24
“Arsimi është themeli më i fortë i një shoqërie të përparuar, ndërsa ruajtja dhe zhvillimi i arsimit në gjuhën amtare përbën një vlerë të rëndësishme për identitetin, kulturën dhe bashkëjetesën ndërmjet komuniteteve. Arsimi turk ka qenë dhe mbetet një shtyllë e rëndësishme e këtij mozaiku shumëkulturor.
Në këtë ditë të veçantë, shpreh falënderime të veçanta për mësimdhënësit, të cilët me përkushtim dhe profesionalizëm edukojnë brezat e rinj, si dhe për prindërit dhe institucionet që mbështesin vazhdimisht arsimin cilësor.
