Pulmologu Zekirija Shaini ka reaguar për herë të parë pasi u plagos gjatë ditës së djeshme në Kumanovë. Shaini thotë se rasti në fjalë nuk ka të bëjë me veprimtarinë e tij politike, ndërkaq bën apel deri te organet e rendit që të zbardhin rastin.
“Falënderimet i takojnë vetëm Allahut. Atë e falënderojmë dhe vetëm prej Tij kërkojmë ndihmë. Të nderuar familjarë, miq e shokë, Dje u godita në pabesi nga persona të maskuar. Dua t’ju siguroj se unë nuk kam hak ndaj askujt, e as nuk i kam prekur kujt familjen apo nderin — për këtë e kam dëshmitar vetëm Zotin. Jemi në periudhë fushate zgjedhore, por nuk dua që kjo ngjarje të marrë ngjyrime politike. Nuk kam armiqësi politike me askënd. Lus organet e rendit që ta zbardhin këtë rast sa më shpejt që të jetë e mundur.
Aktualisht, për shkak të gjendjes sime psikofizike, nuk mund të pranoj vizita.
Edhe njëherë, ju falënderoj nga zemra secilin veç e veç për kujdesin, respektin dhe përkrahjen që më keni treguar. InshaAllah shihemi së shpejti, më të fortë se kurrë”, ka shkruar mjeku Zekirija Shaini.
