Kandidati i AKI-it për kryetar të Çairit, Bujar Osmani, mori pjesë sonte në pritjen solemne të organizuar në Rezidencën Zvicerane në Shkup me rastin e Ditës Kombëtare të Zvicrës, njofton Top24
Ngjarja mblodhi personalitete të shumta politike, diplomatike dhe shoqërore, ku Osmani pati rastin të shprehë mirënjohjen e tij për ambasadoren Véronique Hulmann, e cila gjatë mandatit të saj ka kontribuar në forcimin e partneritetit mes Zvicrës dhe Maqedonisë së Veriut.
“Një mbrëmje e rëndësishme që reflekton miqësinë dhe bashkëpunimin mes dy vendeve tona,” ka theksuar Osmani.
Pjesëmarrja e tij në këtë ceremoni shihet si një shenjë e angazhimit të tij për thellimin e bashkëpunimit ndërkombëtar dhe përfaqësimin e denjë të qytetarëve të Çairit.
