LSDM ka reaguar ndaj gjendjes ekonomike në vend, duke theksuar se qytetarët po përballen me rritje të lartë të çmimeve dhe stagnim të pagave, ndërsa VMRO-DPMNE mundohet të bindë popullin se “jeta është më e mirë”, njofton Top24
Sipas opozitës, për vetëm një vit nën qeverisjen e VMRO-DPMNE-së, kostoja e jetesës është rritur ndjeshëm:
-
Shporta minimale sindikale është shtrenjtuar për gati 5.000 denarë, ndërsa paga minimale vetëm për 1.800 denarë.
-
Perimet janë rritur në çmim për 63,3%, ndërsa frutat për 33%.
-
Inflacioni aktual është 4,8%, duke ulur fuqinë blerëse të qytetarëve.
-
Niveli i çmimeve në Maqedoni është në 60% të mesatares evropiane, por pagat vetëm në 35% – që do të thotë, thuajse çmime evropiane me paga trefish më të ulëta.
Nga LSDM theksojnë se, në vend që qeveria të bindë qytetarët se jetojnë mirë apo të justifikohet se “nuk ka shkop magjik”, duhet të pranojë propozimet konkrete të tyre:
-
Rritjen e pagës minimale në 500 euro,
-
Heqjen e TVSH-së për ushqimet,
-
Rritjen e pagave në të gjithë sektorët.
