Hamasi e pranoi propozimin e ri për armëpushim në Gazë
Lëvizja palestineze Hamas e ka pranuar propozimin e ndërmjetësuesit të ri për një armëpushim me Izraelin në Rripin e Gazës, me lirimin e pengjeve të mbajtura në territorin palestinez, tha një funksionar anonim i lëvizjes islamiste.
Përpjekjet e ndërmjetësuesve – Egjipti, Katari dhe ShBA – në muajt e fundit deri më tani kanë dështuar të arrijnë një armëpushim të qëndrueshëm në luftën 22-mujore që ka shkatërruar Rripin e Gazës, ku, sipas Mbrojtjes Civile, 19 palestinezë u vranë sot në sulmet izraelite.
Deri më tani, asnjë funksionar izraelit nuk ka komentuar propozimin për armëpushim të paraqitur Hamasit në Kajro.
“Hamasi ka paraqitur përgjigjen e tij te ndërmjetësuesit dhe ka konfirmuar” se e pranon “propozimin e ri për armëpushim pa kërkuar ndonjë ndryshim”, tha një funksionar anonim i lëvizjes palestineze.
