Kuvendi i Maqedonisë së Veriut miratoi në lexim të parë propozim-ligjin me të cilin parashikohet zbatimi i rekomandimeve të misionit të OSBE/ODIHR për proceset zgjedhore. Me këtë hap, projektligji do të dërgohet për shqyrtim në Komisionin amë, ku pritet të diskutohet në detaje përpara se të kthehet sërish në seancë plenare për lexim të dytë.
Sipas arsyetimit, ndryshimet kanë për qëllim përmirësimin e transparencës, forcimin e standardeve demokratike dhe garantimin e zgjedhjeve të lira e të ndershme në vend.
