Belind Këlliçi, pas bllokimit të medias nga forcat e policisë mëngjesin e sotëm, ka deklaruar se valët e News 24 janë një pasuri kombëtare dhe se duhet të mbrohen nga secili prej nesh.
Deputeti i zgjedhur i PD shprehet se News 24 është një media profesionale, zë i vërtetë dhe i domosdoshëm në tregun mediatik shqiptar.
Ndërsa paralajmëroi se: “Kushdo që mendon se nuk do ti vijë rradha, e ka shumë gabim”.
Postimi:
Edi Rama nuk njeh më kufij!
Kjo është fytyra e vërtetë e regjimit që ai ka 12 vite që u imponon shqiptarëve. Ky akt barbar, është hapi i fundit i instalimit të një diktature, që pak nga pak po e vuan çdo qytetar shqiptar.
News 24 vetëm 3 vite më parë përjetoi tritolin e Edi Ramës ndaj bizneseve legjitime të lidhura me këtë media, pikërisht si një paralajmërim për aktin e sotëm!
News 24 është një media profesionale, zë i vërtetë dhe i domosdoshëm në tregun mediatik shqiptar, i cili dita ditës po i largohet misionit të tij real duke u vënë në shërbim të plotë të propagandës qeveritare.
Valët e News 24 janë një pasuri kombëtare dhe si rrjedhojë duhet të mbrohen nga secili prej nesh.
Kushdo që mendon se nuk do ti vijë rradha, e ka shumë gabim!!!
