Analizat e bëra nga Autoriteti Kombëtar i Ushqimit ka treguar se shkak i helmimit të fëmijëve në kopsht kanë qenë vezët e kontaminuara me salmonelë.
Sipas burimeve, analizat konfirmuan se vezët e përdorura në kopshtin Nr.1 në Gramsh janë me salmonelë.
Analizat e mëparshme të AKU-së për mishin e pulës dhe qumështit rezultuan negative.
16 fëmijë dhe psikologia e kopshtin u helmuan nga ushqimi, prej të cilëve 6 fëmijë morën trajtim në spital dhe më pas vijuan mjekimin në banesë.
Skandali me helmimin në kopshtin e Gramshit u shënua para 1 jave.
Ndërkohë, edhe Prokuroria e Gramshit ka nisur një hetim për këtë ngjarje.
Kryebashkiaku i qytetit, Besion Ajazi, ka bërë thirrje më herët që të pritet përfundimi i hetimeve.
Nga ana tjetër, prindërit e fëmijëve që u helmuan në kopsht kanë shprehur shqetësim për ngjarjen e rëndë.
Kujtojmë se aktiviteti i kopshtit nr.1 është pezulluar nga AKU deri në sqarimin e plotë të rrethanave.
