Një rast i pazakontë është shënuar në Greqi, në Ministrinë e Brendshme të së cilës është depozituar një ankesë për një police, se kjo e fundit merr pjesë në festat erotike të shfrenuara të Dubait.
Sipas mediave greke, në ankesën ndaj polices shkruhet se punonjësja e bluve do të marrë raport mjekësor për të justifikuar mungesën e saj në punë, me qëllim që të shkojë në Dubai për të bërë “punën e saj të dytë”.
Në ankesën e depozituar në Ministrinë e Brendshme të Greqisë, oficerja merr pjesë në festat e Dubait duke ofruar shërbime erotike kundrejt pagesës, por jo vetëm kaq, ajo gjithashtu mashtron dhe shantazhon burrat me të cilët ka kryer marrëdhënie seksuale.
Sakaq, raportohet se në këtë rast është i përfshirë e një i afërm i polices, i cili është pjesëtar i Forcave të Sigurisë.
Punonjësja e Policisë Helena ndodhet ende në punë pasi nuk ka ende asnjë provë për pretendimet e hedhura ndaj saj.
