Një incident i rëndë ka ndodhur në Kumanovë, ku disa huliganë kanë sulmuar dhe fyer autobusin e KB Çairit, duke bërtitur slogane të rënda si “Shqiptar i vdekur!”.
Atmosfera armiqësore brenda sallës sportive ka detyruar basketbollistët nga Çairi të futen tre herë në zhveshtore, pasi ndeshja u rrezikua nga tensionet. Gjatë gjithë takimit janë dëgjuar ofendime të rënda, përfshirë edhe thirrjen famëkeqe “Shqiptar i mirë, shqiptar i vdekur!”.
Për shkak të situatës së krijuar, autoritetet kanë urdhëruar largimin e publikut nga salla, ndërsa në përfundim të takimit, ekipi i Çairit është përcjellë nën masa të rrepta sigurie dhe mbrojtje policore.
Ky akt i turpshëm dhe i papranueshëm dëshmon për nevojën e menjëhershme të masave të rrepta ndaj racizmit dhe dhunës në sport!
